Fot. Kb - Mocinhus na banku d'ôri - Txan di Kana
BLOGI KÔR NASSIONALIZADU
Pretu, broka-l grilu.
Russassu, lua na seu.
Amarelu, strela na seu.
Amarelinhu, faíska strela.
Burmedju, sangui di boi .
Kastanhu, txon modjadu.
Azul sukuru, nôti Santa Katarina.
RIMAS D’AZÁGUA
Pa Endy y Bryan Barbosa
– Nhaku Subrinhu
É di ralenbra di txon modjadu
Di pó di batata fundu na regu
Katoku finkadu sinal d’azagua
Di txota Kunben y grilu kantor
É di rakorda di txon mondadu
Padja kassadu y midju sakedu
Ta bota boneka fonfon ta bua
Di bongolon sapatinha em flor
É di atxa sabi y di sta kontenti
Xintadu rodiadu nos tudu fepu
Ta ben ta bai storia só manenti
Fogon kalderon ku kafé ta kua
É di ralenbra y pa nu atxa sábi
É di rakorda pa nu sta kontenti
É di konta pa tudu mundu sabi
É di djata ti ki té kai di nossenti
Kaka barboza
Sem comentários:
Enviar um comentário