Fot. Kb Kandirin konprod na Puntinha de J'nela Stº Antão
Oji nhas amigu é dia di língua maternu.Ten txeu atividadi na monti skola pa komemora es dia li.
ACRIDES ta sta na Palássiu di Kultura Ildu Lobu, pa sais hora di tardi k'un bon programa rekreativu ku mininus di skola pa un ressital di puezia e kontus, má tanbé ku muzika au vivu pa grupu juvenis.
Ta fika es primeru puema di livru SondiViraSon.
NA GETU Y NA GOSTU
DI SENTIMENTU-L TERRA
Bai Palavra! Dja bu grandi djâ
Y pa bu ser grandi sima debe ser
Bu ten ki korre mundu
Na getu y na gostu-l sentimentu terra
Papiadu na ton di si konduta
Xapatá-xapatá… txon-txon
Sen medu
Na kriolu klaru e karu
Pa tistimunha dinati di mundu
Kultura y amor síviku
Dun povu sakédi na folsa-l si ossu
Ki kria a si manera
Na ninhu konsagradu-l si sorti
Si arti di sta na mundu
Si passu di konpassa ku tenpu.
Bai Palavra ! Dja bu livri djâ
Y pa bu ser livri sima debe ser
Bu ten ki dizafia tenpu
Sen burgonha na rostu
sen ndjútu bu nomi
santadu ku forsa di letra
na A-B-C- di tudu skola
Pabia!
Ónti dialétu (pontu)
Kriolu oji ( dos pontu)
Manhan língua (pont’y virgula)
Verdianu más manhan (ritisénsia)
Y verdianu pa tudu tenpu…
(Poema de K B)
DI SENTIMENTU-L TERRA
Bai Palavra! Dja bu grandi djâ
Y pa bu ser grandi sima debe ser
Bu ten ki korre mundu
Na getu y na gostu-l sentimentu terra
Papiadu na ton di si konduta
Xapatá-xapatá… txon-txon
Sen medu
Na kriolu klaru e karu
Pa tistimunha dinati di mundu
Kultura y amor síviku
Dun povu sakédi na folsa-l si ossu
Ki kria a si manera
Na ninhu konsagradu-l si sorti
Si arti di sta na mundu
Si passu di konpassa ku tenpu.
Bai Palavra ! Dja bu livri djâ
Y pa bu ser livri sima debe ser
Bu ten ki dizafia tenpu
Sen burgonha na rostu
sen ndjútu bu nomi
santadu ku forsa di letra
na A-B-C- di tudu skola
Pabia!
Ónti dialétu (pontu)
Kriolu oji ( dos pontu)
Manhan língua (pont’y virgula)
Verdianu más manhan (ritisénsia)
Y verdianu pa tudu tenpu…
(Poema de K B)
UM PUEMA PA LORENSE
Lorense! Tont d’zê ke N d’ze
Porkauza de bô k’é kalod
Oiá! Tont escrita ke N eskrevê
Pamod bô ke ka ten kaneta
Oi tont espikassobe koraja
Tont intxíbe d’esperansa…
D’ze-m li Lorense!
Abri ma mi! Nôs é k’e nôs pá!
Kuaje amdjor ainda
É stóde sempre inkenhadin nun ága forte
Pa mund f’ka lá nun konte eskesside.
Dzid kma Váva eskreve y el d’zê
K’agora tava t’mód pa komemorá.
Nha fidje! Ah se assim fosse!
Diabe tava mandá rekode
k’onje da guarda armóde té na fukssin.
Oi ka tinha grôg nen bafa ke tava txegá.
Má inda du ke ta vale-m
É un koza k’un ten na ideia
K’un ka ta kontá pa ninguen
Nen pan ha fidje
Pa el ka f’ka k’un pezadele
Erdóde d’se pai.
Pensá se un dia
Ess pove kentá korpe k’un matim…
K’manê kes koza tava dizinrolá…
A bô imaginá dex plon ta kutxí
Y dex balói ta ravultia farele na vente
Pensá nha fidje !
Sem comentários:
Enviar um comentário