Paixãu di Bedjissa

Madrugada Dentu


N kre paz na gruta di bu mon
Xintidu na kalor di bu manera
Da-m bu bó na ó di bu kondon
Di nkantada di un feitisera

Na kama di nos korpu krêdu
Beju é seu na onda di bu ser
Na iluzãu dun paixão duêdu

Ben papia-m nes berinha di noti
kubri-m ku korpu di bu perfumi
Bisti-m nha alma ku bu nu priti
Faze des noti noti noti di siúmi

Na sopro di nha krensa n odjabu
Bo era un strela, un seu, un ventu
Un viagen lilás na vela dun barku
Na silensio di madrugada dentu

Dexa dia manxe klaru na si jeitu
Na anparu luz di nos petu kredu
Na silensio di madrugada dentu

(melodia dedikadu a um fémia xaguáda, raskoa, prefirida)

Kb.