Soneto na Quinta di Sol

Soneto na quinta de sol
                                     pa Artemisa Ferreira

Na Polon di Baxu ta mora morcego di nh’amor

dipos ki tanki di kaniss ratxa agu perdi rumo.

Na tripitche nhu Dom ta mora boi di nha dor

dipos ki Somada lagadji e praça perdi mundo.

Bentrada éden di nos mininensa morre corpo

na baziu di Arco da Bedja perdedu na Aguas Bela

Na rio di Maria Simoa rosto baxu ta bái pa mar

Pidoti anju da guarda era pa ka morreda fogado.

Ah! Ponta Carrera di Nho João Carrero

Ah! Ôdju di Djobe Djurga na raiz di Monti Tiro

Ah! Sim bá Somada limárias ta bá igreja

Ta raza terço ta comunga tudu dia Dimingo

Ah! Igreja Baxu. Ah! Scola di Nhu Ildo Parrera

Sim bá ti n'bai! Somada ta cai na Cruz di Pico.