segunda-feira, 1 de julho de 2013

Julho é Azágua

RIMAS D’AZÁGUA
 
É di ozerba tenpu armadu
Inxada na pó gran skodjedu
Lugar linpadu rosa kemadu
Kanpones speransa na petu.

É di ralenbra txon modjadu
Pó di batata na regu ku suor
Sinal di lua katoku finkadu  
Txota Kunben y grilu kantor.

É di rakorda txon mondadu
Padja kasadu midju sakedu
Ta boneka ku kabelu bazadu
Obu kurtuniz baxu di brédu.

É di atxa sabi e sta kontenti
Xintadu rodiadu bera funku
Ta konta ta storia só manenti
Midju ta ila pilon ta kufu-kufu.
 
É di ralenbra pa nu atxa sabi
É di raporta manenti nha genti
É di konta pa tudu mundu sabi
É di fla ti boka bába di nosenti.

Praia, 01.07.12 - Kaka barboza

RAPIZIUS

                                                                                                         MINHAS AMIZADES COM DIAHO ...